Al-Rimi hi nikuma Florida-a US Naval Air Station Pensacola beih \uma a bultumtua puh kha a ni a, kha inkahnaah khan lawnga thawk, US Sailor mi 3 an thi a ni.
Trump chuan al-Rimi thi chu US leh a thawhpuite tan a him tih sawiin, mi firfiak America tih chhiat tumte lak \angin America mipuite humhim an ni zel dawn tih a sawi bawk.
Al-Rimi a thih tih sawi mahse Trump chuan US sipaite beihpuithlak hun leh an chetdan chipchiar takin a sawi tel lo va, hetihlai hian al-Qaeda lam pawhin al-Rimi thih thu hi a la finfiah lo bawk a ni.
Florida-a lawng sipaite hmunpui beih a nih hnu khan US chuan Saudi sipai officer 21 a lo hnawt chhuak tawh a, thla kaltaa kum 41 mi thah a nih a\anga khan an tum an hlah tih hria-in CIA leh America sipai thuneitute chu an fimkhur tawh hle a, al-Rimi thah tumin hma an la leh niin US thuneitute chuan an sawi a ni.
Yemen-a a haw hma-in Al-Rimi hian Afghanistan-a an pawl inzirtirna hmunah eng engemaw a zir hmasa a, Yemen-ah hian US palaite awmna hmun beih dan tur a duan vangin kum 5 chhung a tang a, kum 2006 khan a tanna \angin a tlan chhuak a, nikum December ni 6, Florid-a lawng sipai hmunpui beihnaah khan a mawhphurtu a nih thu sawiin bei tura thawk chhuak, Saudi Air Force officer Mohammed Alshamrani chu mi huaisen leh pasal\ha tak a ni tih a sawi bawk.
