US President-in a thawhpui, Steve Bannon a ban

0
579
views

US President, Donald Trump-a’n a thawhpuite a siam remna kal zelah, a thawhpui hnaivai ber pakhat, Steve Bannon a bàn leh ta a, kum 63 mi, Bannon-a hi nikuma US inthlanpuia Trump-a campaign ruahmantu a nih bakah, Trump-a a tlin theih nana sulsutu bera ngaih a ni a, US sorkar mi pawimawh thenkhat chuan, Bannon-a hi a tha lo zawnga President Trump-a fuihpawrh thinah ngaiin hnawk an tihna a rei tawh a, amah vang hian Trump-a pawh hian inhnialna chawk chhuak thei chi, thil àwm ang lo tak tak a sawi phah thin niin an sawi a ni. White House thuneitu thenkhat sawi danin, President Trump-a kaihhruai sorkara Bannon-a thurualpuite pawh an chhuah tel rin a ni a, Bannon-a hi White House hnathawk eng emaw zat nen an thawk ho nasa a, heng zingah hian Intelligence lama mi pawimawh, Sebastian Gorka leh Trump-a assistant, Julia Hann te pawh an tel a ni. Bannon-a hi internet-a chanchinbu, Breitbart News hotu hlui a ni a, ban a nih hnu hian Breitbart News-ah hian a kir leh nia hriat a ni a, amah hi chi inthliarna chawk tho zawng leh Juda mite hmusit zawnga tawng thina puh a ni a, Bannon-a hian Trump-a thlan tlin a nih chhan, an au hla leh thil tih dan chu chhawm nun zel a tum niin a sawi a, President hmelmate laka beihpui a thlak tur thu a sawi bawk.