US President inthlanah Russia a inrawlh nia sawi chhuitu Special Counsel Robert Mueller a’n insawifiah turin President Donald Trump a koh a \ul maithei tih a sawi. US Media te tarlan danin Muller hian March thlaa Donald Trump-a danhremi nen an inkawmnaah he thu hi a hrilh lawk a, hei hi Trump-a danhremi hian na takin a chhanglet nia sawi a ni. Hetianga President thu zawhfiah tura koh tumna awm nia sawi hi a thlen vawi khatna a ni a, Trump-a danhremi chuan President hi hetianga thil chhuitu hmaa a inlan hi a \ulna pakhat mah a awm lo niin a sawi. Hetianga President koh a nih thulha zawhna zawh tur ni awm tak te pawh a putru a, hei hi New York Times chuan tarlangin, zawhna zawh tura duan lawkah hian President in FBI Director hlui James Comey a bantir chhan te, Campaign laia Russia lama mi a biak pawh \hinte pawh a tel a. President Trump-a chuan hetianga sorkar thil pawimawh a putru hi thil zahthlak tak a ni tih sawiin, Campaign laia Russia nena inzawm ru anga amah puhna chu thu dik lo a ni tih a sawi nawn ve leh thung.
Chanchin Thar US President inthlanah Russia a inrawlh nia sawi chhuitu Special Counsel Robert...
