US President nupui Melanie Trump-in Delhi sorkar school-a happiness class a chhim turah Delhi Chief Minister Arvind Kejriwal leh a thachhangdawltu Manish Sisodia te chu tel tir an ni ve dawn lo tih AAP in an sawi a, an pahnih hming hi central sorkar chuan a tel tur list a\angin a paih niin AAP chuan an sawi.

Ruahmanna hmasaah chuan Kejriwal leh Sisodia te hi South Delhi School-a Melania Trump-i lo dawngsawngtu tur an ni a, Trump-i hian he school hi khual \ha angin a tlawh dawn a, zirlaite nen darkar khat chhung vel hun a hmang dawn a ni.

AAP chuan Delhi hruaitu pahnihte hi Central sorkar duhdan-a teltir ve loh an ni an ti a, Manish Sisodia hi kum hnih liamta-a Happiness Carriculum duang chhuaktu a ni a, zirlaiten rilru thawl leh zangkhai taka lehkha an zir theihna turin he kalphung hi a duang a, minute 40 chhung rilru ngaihtuahna fim hman te, taksa insawizawi ang chi te a kengtel a ni.