US President Donald Trump-a’n nimin khan social media-ah US nuclear ralthuam tih chak chu President a nih hnua a thupek siam hmasa ber a nih thu sawiin, tunah chuan a hma aia a let tam takin a chak tawh niin a sawi. President Trump-a hian hei hi North Korea vau zam nana sawi a ni a, amaherawhchu nuclear ralthuam hi thla ruk chhung leka tih hmasawn ngawt theih a nih loh vangin mi thenkhat chuan a thusawi hi an awih lo hle a ni. Trump hian nuclear ralthuam tih chak chu a thu pek siam hmasa ber angin sawi mah se, hei hi thudik a ni chiah lo ni a hriat a ni a, President atana lak luh a nih atanga a ni 7-naah US sipai chakna tih changtlun kawnga a thupek siam zinga mi ve mai ni a sawi a ni bawk a, hei vang hian a thupek siam hmasa ber chu ni lo a, ram venhimna tura a thupek siam hmasak ber zingah erawh a tel a ni.
Chanchin Thar US President: US nuclear ralthuam nasa takin hmasawn
