US Secretary of State Mike Pompeo-a’n Afghanistan khawpui, Kabul-a maternity ward beihna chu na takin a dem.

0
45
views

Nimina mifirfiakten Kabul-a damdawi in pakhat an beihnaah khan naute 2, nu 12 leh nurse te an kaphlum a, hetihlai hian Nangarhar khawchhak lama mitthi vuinaa bomb puakah mi 26 vel an thi bawk.

Pompei chuan pawi sawi lote beih chu ngaihdam theih a ni lo a ti a, naute leh hmeichhe nau vei laite thlenga beih phei chu thil sual rapthlak tak a ni a ti a, mitthi vuina beitu mifirfiakte chu chhungkua leh khawtlang inzawmna \hendarh tumtu an ni a, engtikah mah an hlawhtling ngai lo ang tih a sawi a, Muslim thla serh Ramadan thla leh COVID-19 hrileng kara inbeihna thleng chu a rapthlak bik a ni a ti bawk.

Afghanistan President, Ashraf Ghani chuan Taliban leh pawl dangte chu tharum thawhna do let turin thu a lo pe tawh a, pawikhawihtute chuan a thupek chu an pawisa lo a ni a ti.

Islamic State (IS) chuan he inbeihna phenah hian thil engemaw a awm tih an sawi a, Dasht-e-Barchi hospital beitute hi tute nge tih hriat an la ni lo va, Taliban chuan he thilah hian an inrawlh lo tih an sawi.