US sorkarin China chu an rama Muslim te khung khawma hreng luiah a puh.

0
388
views

US Defence Department-a Asia Policy enkawltu Randall Schriver chuan China Communist Party in an ram sipaite chu China-a Muslim te a khung khawm tir tih a sawi a, mi mtd 3 vel an khung tawh niin a sawi a, heng Muslim mi te hi a tlangpuiin Muslim Uighur mi an nih thu a sawi. Heng tan in-a lo tang tawhte chuan pindan chep taka khung khawm an nih \hin thu leh thu an zawhfiah paha nghaisak an nih \hin thu an sawi a, mi tang engemawzat chu an intihhlum thu an sawi bawk a ni.

US thuneitute chuan China-a Xinjiang-ah hian sakhuana kaihhnawiha inhremna a thlen \hin thu an sawi a, naupang te Muslim hming phuahsak leh Muslim zirtirna pek te an khap thu an sawi a ni. US Secretary of State Mike Pompeo chuan China chetdan hi kum 1930 bawr vela thil thleng nen inanna a neih thu a sawi.

March thla khan Xinjiang-a governor chuan heng inkhungna te hi concentration camp nena inanna an neih loh thu sawiin boarding school ang zawk an nih thu sawi mahse US sorkar chuan Xinjiang-a thuneitu hlunte chu a khuahkhirh a, China chuan US khuahkhirhna hi a rul tawka an chhanlet tur thu an sawi.