US sawidan chuan Russia missile thar, Novator 9M729, NATO-in SSC-8 tia an koh bawk chu an inremna thu bawhchhia anih vangin missile hi tichhe turin Russia hi a phut a, Russia erawh chuan US chu an inremna, treaty a\anga inhnukdawk-a, missile thar siam duh vanga chhuanlam siamah a puh let ve thung a, missile hi an tichhe duh lo a ni.
US official \henkhat chuan thla ruk chhunga Russia hian kum 1987-a an siam, Nuclear Forces Treaty a zawm leh chuan tuna an thutlukna hi hnuhlet leh theih a nih tur thu an sawi. He treaty vang hian US leh Russia inkarah innghirhona a nasa hle a, mi thiamte’n he treaty hi tihtawp a nih chuan a anpui treaty dang te pawh an ngheh loh phahin nuclear ralthuamte an pun phah an rin thu an sawi a ni.
