Rajasthan a\anga Delhi-a haw tumte chuanna truck pakhat leh anmahni tawk zawnga tlan truck dang pakhat chu tukin khan Lucknow khawpui a\anga km 200 vela hlaah an insu a, mi 24 an thih bakah 38 an hliam a, hliam zinga mi 15 te dinhmun chu a derthawng hle a ni.
Vanduaina thlenna hmunah hian UP sorkar chuan chhawmdawl hna thawk tur mi a tir nghal a, Chief Minister, Yogi Adityanath chuan kawngpuia lirthei chetsualna vanga nunna chan an awm chu pawi a tih thu sawiin, an chhungte a tawrhpui tih a sawi a, hliamte chu damdawi ina \ha taka enkawl an nih theih nan sorkarin a buaipui tih a sawi.
He chetsualna vang hian police officer pahnih an hna a\anga suspend an ni a, truck pahnih hi police kutah dah a ni bawk. UP Police te chuan truck khalhtute lakah thubuai an ziaklut a, hetihlai hian UP sorkar chuan mitthi chhungte zangnadawm nan Rs.50,000/- \heuh pek an ni dawn tih a puang a ni.
