Kum 2017 September -a Banaras Hindu University campus chhunga zirlai te’n dik lo taka in chhaih nawmnahna thleng \hin duh lohna an lantir a, police te nen an innawrnaah tharum thawha buaina a chhuak a, Master degreee zirlai kum 23 mi Gaurav Singh hi bus haltute zinga telah puh a nih hnuah nikum khan university hian an suspend rih a, Thawhlehni tlai 6:30 vel khan Birla Hostel pawna a \hiante nen an ti ti laiin mi 4, motorcyle 2-a chuangin silaiin an kap a, a pumah hmun thumah a fuh a, campus chhunga trauma centre-ah tlanpui a nih hnuah zing dar 1:30 vel khan a hliam tuar loin a thi a, police te sawidan chuan silai mu 10-a kah a ni.
Uttar Pradesh police chuan university zirlai 4 man an nih thu leh Gaurav-a pa-in First Information Report a thhluh hnuah thu zawhfiah an nih thu an sawi a, Varanasi police hotu Anand Kulkarni chuan heng mite leh Gaurav-a te inkarah hian inhmelmakna a awm nia hriat a nih thu sawiin, tualthah thubuai ziahluh a ni a ti.
