Uttar Pradesh-a Mainpuri district-ah Thawhlehni khan hmeichhe naupang kum 6 mi truck-in a su a, a hliam tuar lovin a thi.

0
52
views

UP sorkarin a ruahman, Sitapur district thingtlang khuaa tlan tur bus chu hmeichhe naupang leh a chhungte hian kawngsirah an lo nghak a, hemi hmalam hian Haryana a\angin truck-in Mainpuri district hi an thleng a, an truck chuanna hi ramri checkpost-ah police ten tidingin an endik a, hmeichhe naupang leh a chhungte chu truck a\anga chhuk turin police te hian an ti a, bus chu kawngsira lo nghak turin an hrilh a ni. Hetia bus an nghah lai hian lung phur truck pakhat chak taka tlan chuan he hmeichhe naupang hi su-in, police motor pawh a su tel bawk a ni.

Ram chhung thingtlang khaw hrang hranga cheng, khawpui lama inhlawhfate chu inkharkhip puan a nih a\ang khan hna thawh tur neih tawh loh vang leh an in luahnaten in luah man an pek theih loh vanga an hnawtchhuah vang te in harsatna an tawk a, sorkarin lirthei tlan a khap bawk avangin, mahni remchan dan ang angin an khaw lam an pan a, heng zingah hian truck-in a sut vanga nunna chan an tam tawh hle a ni.

Auraiya district-a inhlawhfa mi 26 an thih hnu khan Uttar Pradesh chuan ramri zawng zawng a khar a, Chief Minister, Yogi Adityanath chuan sorkar chu an state chhunga thingtlang khaw hrang hranga haw tumte hawna tur bus ngaihtuah turin a ti a, ramriah an state mi leh sate hruai hawna tur bus sing 1 chuang a tir bawk a ni.