Jharkhand CM chuan he thil thleng chungchangah hian UP sorkar chu Jharkhand mi leh sa, nungdama awm te leh ruangte pawh Jharkhand ramri thlenga him taka phurh theihna tur ruahmanna siam turin a ngen a ni.
Inrinni kalta khan UP-a inhlawhfa-a awm mi 56 vel chuanna truck pahnih, Punjab a\anga chhuak leh Rajasthan a\anga chhuak chu Lucknow khawpui a\anga km 200-a hla, an Auraiya-ah an insu a, mi 26 an thi a, mi 30 an hliamin mitthi zinga 11 te chu Jharkhand mi an ni.
Uttar Pradesh sorkar chuan he chetsualna-a mitthi ruang leh midangte hi Jharkhand leh West Bengal-ah truck pathum hmangin a thawn let a, Prayagraj-ah truck hi tidingin ruangte hi ambulance hmanga lak chhawn a ni tih Jharkhand CM chuan sawiin kawnga an thang hlanin an ruang chu a chhe hman nual tih a sawi. Auraiya district magistrate, Abhishek Singh chuan ruang leh mihring hliamte thlalak tih darh chu chhui a ni dawn tih a sawi.
