Uttar Pradesh-a Yamuna lui kama awm Etawah khuaah hmeichhiaten CAA duhlohna an lantir a, heng mite hi Police ten manin kut an thlak a, dawr inhawngte pawh khar vek turin an hriattir a ni.

Etawah-a lungawilohna lantirnaa police chet dan video thlalak hi a darh chak hle a, Pachraha-ah chuan police ten tiang an chelek nasa hle a, video \henkhatah chuan lungawilohna lantirnaa police te an inrawlh chhan zawtin hmeichhiate chu an au nasa hle a ni. Hmun dang lehah chuan kawngsira eitur siamna hmuna hnathawkte chu police ten luhchilhin tihluihnain dawr chu an khar tir a ni. CAA dodalna lantirtute hi a tirah chuan mi 150 vel an ni a, zan lamah midangin zawm zelin mi 500 vel an tling tawh a ni.