Uttar Pradesh-ah ruah a sur nasa vangin Ballia district jail-a tang mi 950 vel sawn chhuah an ni dawn.

0
9
views

Ballia jail hi Ganga lui bula awm a ni a, tuilianin barrack pathum a chim a, mi 27 an thi a ni. Uttar Pradesh-ah hian chawl lovin ni 4 chhung ruah a sur tawh a, Ballia district jail hi hmun hniam lai leh lui bula awm a nih vangin tuilianin barrack pathum a chim a, tui tling an pump chhuah theih loh vangin jail tang mi 950 te chu Azamgarh jail-a thawn chhuak turin hriattir an ni.

Azamgarh jail hi Ballia a\anga km 120 vela awm a ni a, heta \anga sawn bangte chu Ambedkarnagar district jail-a sawn tura tih a ni bawk.

Uttar Pradesh-ah hian ruahsur nasa vangin mi 90 vel an thi tawh a, Ballia, Jaunpur leh Varanasi district te chu tuilian tuar nasa zual te an ni.

Bihar-ah pawh tui lian vangin mi 27 an thi tawh a, mi tam tak tuilianah an tangkhang bawk. Weather deptt. chuan ruah tam tham tak la sur zui zel turin a hmu lawk a, hemi vang hian Patna school zawng zawngte chu khar rih turin thupek tihchhuah a ni. Patna chu tuilian tuar nasa zual zingah telin, an chenna in tuiin a chim te chu lawng hmanga thiar chhuah an ni.