Inneihna hmang haw lam te chuanna lirthei mi 29 chuanna hi Lucknow-a tui kuang pakhatah a tlan lut a, a bulhnaia lo awm te chuan puitling 22 an chhanchhuak a, naupang 7 te erawh an chin hriat lovin an la bo a ni. NDRF team te pawh a hmunah hian chhanchhuah hna thawk tura tirh an ni a, tui chhung lut thiamten naupang te hi an zawng nghal bawk.
Police Officer SK Bhagat-a chuan tui kuanga tui luang hi a chak em avangin chhanchhuah hna a thawh chak theih loh tih a sawi a, tui chhung lut thiamten hna an thawh theihna turin tui luan chak zawng hi thunun phawt tum a ni a ti.
