Vijay Mallya London-ah man a ni

0
502
views

India mi, mi hausa tawntaw, tangka chhehrelh thubuai avanga CBI-in man a duh, Vijay Mallya chu nimin khan London-ah man a ni. India rama Enforcement Directorate thuneitute chuan Mallya hi kumin June ni 14-a sum chhehrelh chungchanga thubuai an siamsak avanga India rama thawn kir leh tura UK hotute an lo dil tawh bawhzuina a ni tih an sawi a, he thubuai chungchang hi kimchang takin Crown Prosecution Service hnenah Home Ministry kal tlanga an thawn tawh thu leh, nimin khan ngaihtuah tura ruahman a lo ni tawh tih an sawi. Mallya hi Enforcement Directorate hian IDBI bank a\anga a pawisa puk, cheng vbc. 900 chheprelh-a puhna thubuai an siamsak bakah, SBI hnuaia bank hrang hrang-ah cheng vbc 6,027 vel tichingpena puhna thubuai pawh CBI-in a siamsak bawk a ni.