West Bengal hmun \henkhatah political party te’n vote thlak \hat leh an phut a, Andhra Pradesh-ah zan dar 12 thleng vote thlak theihna hun hawn a ni.

0
296
views

Left Front delegation, Congress leh BJP te’n Election Commission hnenah West Bengal-a polling booth hmun hrang hrangah buaina a thlen avangin heng hmunahte hian vote thlak \hat leh an phut a. Communist Party of India-Marxist state secretariat member Rabin Deb-a kaihruai Left Front delegation chuan Cooch Behar biala All India Forward Bloc candidate Gobinda Rai chu Mathabhanga booth number 238-ah sawisak a nih vang leh a motor tihchhiatsak a nih vangin Chief Electoral Officer Aariz Aftab hnenah an zualko a, pawikhawihtute chu mana hremna pek an phut a ni. AIFB state committee Secretary Naren Chatterjee chuan polling booth 170 velah buaina a thlen avangin Cooch Behar bial chhunga state police ten venhimna an kalpuina booth apiangah vote hi thlak \hat leh an phut thu a sawi. Cooch Behar a polling station 2,010 zingah venhim uluk ngai zual 700 hi sipai te’n an veng a, a dang 1,310 te chu state police te’n an veng a ni.

Congress Rajya Sabha member Pradip Bhattacharya pawhin Cooch Behar-a Dinhata-a polling booth 10 velah hnathawk-te hi luh phalsak an nih loh thu a sawi a, West Bengal chhunga booth zawng zawng te hi sorkar laipui sipaite’n an ven a ngaih thu a sawi a, West Bengal-a BJP Vice President Jay Prakash Majumdar chuan polling booth 700 velah buaina a thlen vangin vote thlak \hat leh an phut thu a sawi bawk.

Andhra Pradesh-ah buaina hrang hrang thlengin vote thlak hun a tihkhawtlai avangin polling booth \henkhat chu dar 12 thleng vote thlak theiha hawn a ni. Guntur district-a Mangalagiri bialah Chief Minister Chandrababu Naiidu fapa, Telugu Desam Party candidate ni bawk chuan inthlanna buaipuituten thil an kalpui dan a \ha tawk lo tiin lungawi lohna a lantir a, eptu pawl YSR Congress Party te’n a kalh zawngin lungawi lohna an lantir bawk a, hmun 25 velah tharum thawha buaina a chhuak bawk a, mi engemaw zat an hliam a, mi pahnih an thi bawk a ni. EVM thawh dan chiang lovin polling booth 400 velah vote thlak a tikhawtlai bawk a ni.