Yashwant Sinha-a’n sorkar sawisel

0
408
views

BJP hruaitu hlun, Union Finance Minister hlui, Yashwant Sinha-a’n na takin sorkar laipui a bei a, ram sum leh pai dinhmun chu a manganthlak nia sawiin, a hma pawhin a lo sawisel tawh tih a sawi. Tun hnaiah ram sum dinhmun \hanna chu kum thum chhunga a hniam lai ber niin Pu Yashwant Sinha chuan a sawi a, April a\anga June inkarah khan zaa 5.7 chauhin a \hang a, kum 2014 January leh March inkar hnu lamah a hniam ber \um niin a sawi. Pu Sinha chuan ram sum leh pai dinhmun hi kum khat leh a chanve vel kal ta a\ang khan a hnungtawlh a, chuti chung chuan ngawih a chuh a, a \hanna hi zaa 6 hnuai lam a nih hnuah a ngawi thei ta lo niin a sawi a, a au chhuak lo thei ta lo niin a sawi. Sorkar laipui chuan Pu Sinha thusawi hi chhangin, India ram sum dinhmun hmasawnna chu khawvela chak ber niin a sawi a, mahse thil lian tham – tangka note lian tihtawp leh GST hman \an avangte-in, a chang chuan thil chiang tawk lo a awm zauh zauh thei niin a sawi. Pu Sinha chuan tangka note lian tihtawp te pawh kha sum dinhmun a \hat hle loh chuan tih loh tur a ni a, a nghawng a na a, GST hian a rawn belh chhah leh bawk niin a sawi. Kum 84 mi, IAS officer hlui, Pu Sinha chuan kum khat kal ta a\ang khan PM hmuh a tum tawh chungin, tun thleng hian hun a la pe thei lo niin a sawi a, sorkar leh party mi pawimawhten a sawi duhte an bengkhawn lo niin a sawi. NDA kaihhruai sorkarin thla 40 chhung ro a rel tawh avangin, ram sum dinhmun chungchangah hian sorkar hmasa dem theih a ni tawh lo a, Finance Minister, Arun Jaitley-a’n ram sum dinhmun a enkawl dan hi a dik lo niin a sawi.

Pu Yashwant Sinha fapa, Union Minister ni lai, Jayant Sinha chuan t<kin khan Times of India-ah a pa ngaihdan hnialna hi a ziak a, ram sum leh pai dinhmun sawisel chu a hun lo nia sawiin, ngaihdan zau zawk put rih tur niin a sawi. Shiv Sena chuan vawiin khan, Yashwant Sinha thusawi hi a dik lo a nih chuan finfiah turin sorkar laipui chu a ph<t a, an party chanchinbu, Saamana-ah hei hi an ziak a ni. BJP thawhpui, NDA-a tel tho, Shiv Sena hian, BJP hruaitu tam takin hrem an hlauh avangin thil awm dan dik tak hi an sawi ngam lo niin an sawi.