Puan tawh angin he keipui Avni hian kum 2 vel chhungin mihring 13 a sehhlum hman a, Maharashtra sorkar thupekin zirtawpni zan dar 11:35 khan Forest Patrol-te’n Pandharkawada khaw bulah an kaphlum a ni. Maneka Gandhi chuan Avni kahhlum a nih dan chu tualthahna ang mai a nih thu leh dan bawhchhiatna niin Pathianni lam khan a sawi a, hei hi Maharashtra Minister, Sudhir Mungatiwar chuan vawiin khan chhangin, Avni hian mi 13 a sehhlum tawh thu leh National Tiger Conservation Authority kaihhruaina tlawhchhana kahhlum a nih thu a sawi a, mihring seh ching sakei tihhlum a dem anih chuan hetiang thutlukna reng reng hi sorkar laipuiin siam tawh se a tih a rawt bawk a ni.
