A bial chhung tlawha zin mek School Education Minister, Pu Lalchhandama Ralte chu tukin khan Sawleng khawtlangin an lo lawm a, amah lawmna inkhawmah thusawiin, a bial mipuite chu Party inthliarna dah bova ram hmasawn nana thawhpuiah a sawm.

0
17
views

MNF kaihhruai Sorkar thar chu a taka hna a thawhna a la lo chhungin an hnathawk thawk hriattur a awm \an nghal a, kawng hrang hranga hma an laknaah mipuite tana \ha ber turin hna an thawk zel dawn a ni, a ti. Pu Lalchhandama Ralte chuan, khawtlang hruaituten an mamawh an thlente chu uluk taka an thlir hnuah a theih ang anga bawhzui a nih tur thu leh hma a lak tur thu a sawi a ni.

Minister \awimawmtu, Aizawl North III bialtu MLA, Pu C. Lalmuanpuia pawhin, MNF kaihhruai sorkar thar chuan zirna tihhmasawn kawngah theihtawp a chhuah dawn a, Mizoramah dikna leh rorelna \ha a awm theih nan mipuite chu thawhpuiah a sawm bawk. School Minister hi nizan khan Darlawnah a riak a, tukina Sawleng a tlawh hma hian Darlawna SDEO office leh quarters sak \hat dan tur leh Middle School building-a Higher Secondary school dah dan tur a enfiah a ni.