Mizorama hri kai hmuh tawh 284 zinga 189 chu mipa leh 95 chu hmeichhia an ni a. Hnahthial chu hri kai awm lohna District awm chhun ala ni zel.

0
82
views

Mizoram-a hri kai tamna ber Aizawl District-ah hri kai 116 an awm tawh a. Aizawl District-ah hian hri kai hmuh tawh 116 zinga 39 chu an dam tawh a, enkawl lai 77 an awm a. Aizawl District-a hri kai zinga chu 28 ZMC-a enkawl an ni a, midang 48 chu Berawtlang leh Tanhril-a Covid Care Centre-ah enkawl an ni thung. Lunglei District-ah chuan hri kai 63 an awm tawh a, an zinga 47 dam tawhin, enkawl mek mi 17 an awm a, Lungleia hri kai enkawl lai zinga BSF sipai 9 chu an sample en nawnnaah dam mai tura ngaih an ni. Siaha District-a hri kai hmuh tawh 26 zinga 23 an dam tawh a, enkawl lai 3 an awm a. Lawngtlai-a hri kai 21 hmuh tawh zinga 8 dam tawhin, mi 13 enkawl mek an ni. Mamit District-a hri kai 21 zinga 20 dam tawhin enkawl lai 1 a awm a. Champhai-a hri kai enkawl lai 3 zinga pakhat chu vawiin khan damdawi in atanga a chhuah avangin enkawl lai 2 chiah an awm ta a, Siaha-ah hian hri kai 12 an awm tawh a ni. Serchhip-ah chuan hri kai 7 hmuh tawh atangin mi 3 an dam tawh a, enkawl lai 4 an awm a. Kolasib District-a hri kai zawng zawng 12 chu an dam vek tawh a, Saitual leh Khawzawl District-a hri kai 3 ve ve pawh an dam vek tawh a ni.

Vawiin khan ZMC Covid-19 Laboratory-ah ZMC, Aizawl leh Hnahthial District atanga sample dawn 133 endik a ni a, zaninah result hriah theih beisei a ni. Tun dinhmunah ZMC-ah hri kai 28 enkawl mek an ni a, ICU-a awm damlo 2 zinga pakhat chu a dinhmun a that tawh avangin Isolation Ward-a sawn a ni a, ICU-ah hian damlo pakhat dang dah luh thar a ni thung a, heti hian ICU-ah mi 2 enkawl mek an ni. Vawiin khan ZMC-ah hri kai rinhlelh 1 dah luh a ni a, nimina hri kai rinhleh pakhat ZMC-a dah chu tukin khan a thi a, a sample endik-na atangin Covid 19 a kai lo tih hriat a ni a, Scrub Typhus a ni tih hmuhchhuah a ni thung.