Congress Party-in Rajya Sabha member, Pu Ronald Sapa Tlau-in a term a chelh chhunga ram leh hnam tan hma a lakna chu chhuanawm an tih thu an sawi.

0
74
views

Inrinni-a a Term hmang zo ta Pu Ronald Sapa Tlau hian Rajya Sabha Member a nih chhungin rampum hmasawnna tur piah lamah Mizoram leh hnam hmasawnna atan te, Kristian te tana pawi thei tur Citizenship Amendment Bill dodalnaah te theih tawp a chhuah thin tih Congress Party hian an sawi a. Hmarchhak bial MP te huikhawmtu ber a nih bakah ram chhung hmun hrang hranga Kristian te’n an thlamuanpui hle thin a ni, an ti.

Pu Ronald Sapa Tlau hi MP a nih chhungin Parliamentaty Committee hrang hrang Parliamentary Committee on Science & Technology, Parliamentary Committee on Health & Family Welfare
leh Parliamentary Committee on Information Technology-ah te a awm thin a, MP-te hnathawh dan zirchiangtu, PRS Legislative Research tarlan danin Pu Ronald Sapa hian a term chhungin Parliament-ah zawhna 66 a zawt hman a, Session-ah zaa 83 a tel a, Bill pawimawh sawi hona-ah tum 23 a tel hman a ni. Eptu member ni chunga Parliament-ah Single Use Plastic Regulation Bill, 2019 a pu leh a hnathawh hrang hrangte avangin Congress Party chuan a chhuang hle tih an sawi.

MPCC hian Rajya Sabha Member thar, Pu K. Vanlalvena chu ram leh hnam tana theihtawp chhuah turin duhsakna an hlan a ni.