Chakma Autonomous District Council-a BJP kaihhruai sorkar tihtawp phutin Kamalanagar District Mizo National Youth Front-in lungawi lohna an lantir chhunzawm.

0
13
views

Vawiina lungawi lohna an lantirnaah hian buaina tenau a chhuah vangin mi 7 an hliam a, an zinga mi 2 chu Chawngte damdawi ina dah an ni. Kamalanagar a\anga Zonet thudawn danin, Kamalanagar District MNYF te hi CADC Secretariat tualah lungawi lohna lantirin an \hukhawm a, CEM Pu Shanti Jiban Chakma chu Pisa kai lo turin an ngen a. An ngenna chu ngai pawimawh lovin Pu Shanti Jiban Chakma chuan Pisa kai luih a tum a, hei hi MNF \halaite chuan an lo dang deuh a, buaina dang thleng awm lo mah se, CRPF Duty \henkhat chuan MNF \halaite hi hnawh darh tumin kut an thawh nia hriat a ni a. hetah hian hmeichhe 4 telin mi 7 an hliam a. An zinga nazual mi 2- Prem Juoti Chakma leh Arun Maya Chakma chu Chawngte damdawi ina dah an ni. He thil thleng chungchangah hian Kamalanagar District MNYF President, Pu Molin Kumar Chakma chuan, vawiin vek khan Chawngte Police Station-ah FIR thehlutin, CRPF duty-te thil tih dan chu dan kalha chetna nia sawiin, kut inthlaknaa mawhphurtu CRPF mite chu man a, an phu tawk hremna pek an nih theih nana hmala turin Police-te chu a ngen a. Hetiang thil hi CEM Pu Shanti Jiban Chakma-a’n dik lo taka Pisa a luah leh thuneihna a hmansual vanga thlen a ni tih sawiin, CEM chu Pisa kai chhunzawm tawh lo tura an duh thu an sawi a ni.

Puan tawh angin, Chakma Autonomous District Council-a BJP kaiihruai sorkar dinglai chu thlawptu mumal a nei tawh loh thu leh \hiah thuai phutin nimin a\ang khan Kamalanagar District MNYF chuan Kamalanagar-a CADC Secretariat tualah lungawi lohna an lantir a ni.