MNF Vice President, Dr R. Lalthangliana’n CM, Pu Lal Thanhawla’n dan kalhin Cabinet Minister a inpuihtir niin vawiina an party SEDP zirhona, Sihphira neihah a sawi a, sorkar danah Cabinet Minister-te hna chanpual chu Cabinet Minister vekin a pui thei lo nia sawiin, Mizoram CM erawh chuan a theih nia sawiin a nau, Cabinet Minister chu a inpuihtir niin a sawi. Chief Secretary pawhin Cabinet Minister hna chanpual chu Cabinet Minister dangin an pui thei lo tih a sawi nia sawiin Dr. R. Lalthangliana chuan, CM thu leh Chief Secretary thu chu a inkalh niin a sawi a, hei hian CM-in dan a bawhchhe ngei a ni tih a tichiang niin a sawi. Dr R Lalthangliana chuan, Congress sorkar chu unau pahnih thuhnuaia awm nia sawiin, hei hi ram inrelbawlna pawhin a tuar a, mipui pawhin nasa takin an tuar bawk niin a sawi a, kawng chhiat chhana an puh, ruahtui tlak hma vang nia an sawi chu chhuanlam tling a ni lo a, a siam theih hun chhung, thal lai pawhin siam an tum chuang lo niin a sawi a, sorkarin engmah a tih loh avang hian mipui mangang chu anmahni sum seng leh hna thulhin kawng siamin an hnatlan a ngaih phah ta fo nia sawiin, Congress hian sorkar leh tum mah se, an tlin tawh ngang lo niin a sawi bawk.Dr R Lalthangliana chuan SEDP chu Congress NLUP anga sem tur a nih loh thu leh, eizawnna ngelnghet la nei loten an neih theih nana suma enkawl zuina tur niin a sawi bawk.
