Excise & Narcotics Deptt.-a Anti Narcotics Squad-in nizan khan Maubawk rama Nghaltan zauvah ruihhlo, Pseudoephedrine kg 123 an man. An ruihhlo man hi mum 11,07,000 a tling a, a neitu nia hriat mi pathum – Pausuanthang, kum 44 mi, Chikha Myanmar-a Chinsialthanga fapa te, Thansiama, kum 46 mi, Tidim-a Nginkhawzam fapa leh Lalhmachhuana, kum 45, Kawlbema Do-a fapa inti te chu man nghal an ni. Heng mi 3 hi ND&PS Act 1985 tlawh chhanin thubuai rit tak siamsak an ni a, vawiin khan Court-ah thawn an ni.
