Khawzawl leh Champhai inkar, Khawzawl a\anga km 10 vel-a Haidai lui sabereka khuangkaihin kawngpui chhuat a la vek a, PWD in a helna kawng tur siam hna thawk nghal mahse, lirthei kal theiha a tlang theih hun tur hriat lawk theih a la ni lo a, Hnahlan tlangdung leh Khawbung tlangdung lam a\ang chauhin Champhai hi a luh theih rih a ni. Kawlkulh bulah pawh leiminin kawng a hnawh bawk.
Nimin tlai dar 3-4 inkar khan Buichali leh Khamrang Gas Bottling plant inkara Huanmawi bul kawngchhak lam leimin-in NH 54 kawng a hnawh bawk a, leimin hi a nasat avangin thenfai theih hun tur hriat mai theih a ni lo bawk.
He kawng enkawltu PWD hotute hnen a\anga ZONET thudawn danin lei tla hi nizan a\ang khan a tawn tawnin khawl lian chi-a thenfai hna thawh nghal a ni a, lei tla a awm deuh reng avangin zan rei tak thleng a thawh ngam loh a, tukin dar 6 a\ang khan nilengin an thawk leh a ni. PWD hotute chuan, lei tla hian lung lian tak tak engemawzat a tlakpui avangin khawl hmanga hai sawn theih a nih loh thu an sawi a, lung hi haldarh phawt a ngai dawn a, kawng tlang theih hun tur hi hriat theih a la ni rih lo a ni.
