Vawiina Aizawla chanchinbumite a kawmnaah Chief Electoral Officer hian vote tla te hi district khawpui hrang hranga counting centre 40-ah dawhkan 380 ah chhiar a ni dawn tih a sawi a, vote chhiar tur hian official 1321 ruat an ni a, Returning officer in a \hut, Counting Centre-ah chuan vote chhiar \an anih a\anga darkar chanve chhung chu postal ballot leh Electronically Transmitted Postal Ballot System ETPBS te chhiar hmasak a ni ang a, darkar chanve chhung hian chhiar zawh hman a nih loh pawhin darkar chanve a ral hnuah chuan EVM-a vote tla te chhiar \anin a ruala chhiar chhoh tawh mai tur a ni dawn, Returning Officer in a \hut chilhh Counting centre ni lo, a dang zawngah chuan EVM-a vote tla te chu zing dar 8 a\anga chhiar nghal tur a ni tih a sawi.
ETPBS bikah hian 4687 pek chhuahah 3119 dawn fel a ni tawh a, Postal Ballot bikah 429 pek chhuah a\anin 352 dawn a ni tawh bawk tih Chief Electoral Officer hian a sawi a, ETPBS leh Postal Ballot te hi vote chhiar \an hun tur darkar a thlen hma chuan dawn chhunzawm zel theih a la ni tih a sawi.
Venhimna khauh tak hnuaiah vote hi chhiar a ni dawn a, Counting Centre tinah hian thuah thumin venghimtu dah an ni dawn a, A pawn berah Mizoram Police te an awm ang a, a thuah hnihna ah Mizoram Armed Police te awmin, a thuam thumna-ah Central Armed Police Force te duty tir an ni dawn tih Chief Electoral Officer hian a sawi a, mobile phone leh electronic thil dang \henkhatte counting centre ah hian kenluh theih a ni dawn lo tih Chief Electoral Officer hian a sawi.
Mamit District ah chuan DC Complex-a counting hall pathumah vote tla te chhiar a ni dawn a, Kolasib ah chuan Govet Kolasib College New Multipurpose Hall-a counting hall pathumah chhiar a ni ang a, Aizawl ah chuan Assembly Annexe builing-a Counting Hall 9, R Deng\huama Indoor Stadium-a counting hall 4 ah te vote hi chhiar a ni dawn a, Champhai ah chuan DC Complex-a counting hall 5 ah, Serchhip ah chuan DC Complex-a counting hall 3-ah Lunglei ah chuan Saikuti Hall-a counting Hall 7, Lawngtlai ah chuan Govt Lawngtlai College-a Counting hall 3-ah leh Siaha ah chuan DC Complex-a counting hall 2b ah te vote hi chhiar a ni dawn a, Aizawl West-I Assembly bye election-a vote tla te chu Govt Aizawl College ah chhiar a ni ang.
Lok Sabha member tur thlannaah khan Mizoram pumah vote nei mi 7,87,777 zinga 4,97,255 ten vote an thlak a, hei hi za zela 63.12 a ni a, Aizawl West-I Assembly bye election bikah chuan vote zaa 704 a tla thung. Round tina candidate te vote hmuh dan hi Returning Officer in a puang chhuak zel dawn a, hei bakah hian Suvidha app hmangin round tin result hi ARO ten an dahlut zel ang a, hei hi Election Commission website ah hmuh theiha tar chhuah zel a ni dawn tih Chief Electoral Officer Pu Asish Kundra hian a sawi bawk.
