All India Federation of Government Doctors Association-in vawiina ram pum huapa lungawi lohna lantir nana Badge dum an bel chu Mizoram Government Doctors’ Association pawhin an zawm ve a. AIFGDA thuchhuahin a tarlan danin, an thil tih chhan hi Rajasthan sorkar-in a hnuaia thawk, Doctor-te laka thil a tih dan duh loh lantirna a ni a, AIFGDA chuan Rajasthan sorkar chu Doctor-te chunga a thil tih sût turin an phût a ni. Tun hnai khan Rajasthan sorkar hnuaia thawk, Doctor-ten lungawi lohna an lantir a, an inbiakrem hnuah Doctor-te hian lungawi lohna lantir an chu an titawp a, hemi hnu hian Rajasthan sorkar chuan Doctor-te thil phût chu a tihpuitling lo mai ni lovin, Doctor \henkhat chu a mantir niin AIFGDA thuchhuah chuan a sawi.
