Hawnna thusawiin Pu Lalchamliana chuan Mizoram Police-te chu Mizoram chhung mai ni lo, ram pum huap pawha infiamna lama hming lang tham khawp an lo nih tawh \hin thu te, football-ah phei chuan an lar zual thu te kum 1990 a\anga Mizoram sorkar hnuaia sorkar department hrang hrangten inter departmental annual meet an neih tawhah Mizoram Police te chu \um 15 lai overall champion an lo nih tawh thu te a sawi a, he sports meet hian Police unit hrang hranga thawkte inkarah inunauna \ha zawk a thlen a beisei thu a sawi bawk.
Hawnna inkhawmah hian DGP, Pu Balaji Srivastava chuan infiammite leh he sports meet-a tel te lawmna thu a sawi a, krismas leh kumthar boruak \ha tak hnuaia Mizoram mipuiten an hmang thei chu lawmawm a tih thu a sawi bawk.
Mizoram Police Sports Meet-ah hian contingent hrang hrang 12 a\angin infiammi 1,000 vel an tel a, chungte chu 1st Bn. MAP, 2nd Bn. MAP, 3rd Bn. MAP, 3rd IR.Bn, 5th IR.Bn, Northern Range, Southern Range, Central Range, Western Range, North East Range, Red Group, PHQ Group te an ni a, inelna chi hrang hrang 18 an neih zingah football, taekwondo, judo, table tennis, carrom, chess, badminton, boxing, basketball leh shooting te a tel a ni.
Hawnna inkhawmah hian Mizoram Police Anthem inphuahsiaknaa ti \ha ber Reiek khaw mi, Hmingduhawma phuah ‘Kan ram tan’ tih chu thlan chhuah a ni a, lawmmanah Home Minister hian Rs. 50,000 leh certificate a hlan a ni. Mizoram Police Sports Meet hi kum 1987 a\ang khan neih \an a ni.
