Dry Day puan anih chhung hian zu zawrh, lei leh vantlang hmuna in khap a ni a, Excise & Narcotics Department chuan Wineshop zawng zawng leh Warehouse te kalhin, an seal vek a, hengte hi Excise & Narcotics Department Secretary Pu KT Beicho, chuan a hmunah a endik a, Excise & Narcotics Department Secretary Pu Ngurchungnunga’n a \awiawm a ni.
Thawhlehni-a Mizoram Sorkar thara Cabinet Meeting, Chief Minister Pu Zoramthanga hova \hukhawm chuan MNF Party Policy zinga sawi hlawh tak, zu zawrh chungchang hi ngaihtuahin, Police Bn paruk leh PSU pathumte zu zawrh phalna chu a titawp vek nghal a, mimal zu dawr te pawh nakkum January ni 14 thlenga khar vek tur hian thutlukna a siam a ni.
Hetianga sorkarin zu dawr kharna tur thupek a tih chhuah rual hian hmun hrang hranga mimal enkawl zu dawrah te zu lei tum an intlar nasa hle a. Nimin zu dawr hawn tawp ni-ah phei kha chuan zu lei tute chuan an duh zawng thlan tur a awm tawh lo tih an sawi.
