Tunhnai khan Mizoram Police leh NGO \angkawpin silai lem a mu kapchhuak thei chi engemawzat an man. An hmalakna hi tun hnaia Joint meeting thuchhuak bawhzuina a ni a, silai lem a mu kapchhuak thei chi hi Aizawl Bazarpuia dawr 5 a\angin 41 an man a, a hlut zawng hi Aizawl bazar rate-in Rs. 29,300/- man vel a ni. Silai lem neitute hi dan angin thubuai siamsak an ni.

Puan tawh angin kumin Krismas leh kumthar vuakvek chhungin silai lem a mu kapchhuak thei chi, halphuah leh halmawi lam chi chu Aizawl Bawrhsapin zawrh leh hman khapna thupek a lo chhuah tawh a, tunhnai khan Mizoram Police kaihhruaiin NGO, MIMA leh MKHC joint meeting pawhin DC khapna thupek chhuah tawh bawhzuiin khawpui chhung veng hrang hrangah zuar leh hmang an awm leh awm loh an enfiah a ni.