Tunlaia Mizorama eirawngbawlna gas hnianghnar taka hmuh harsatna chhan chu Silchar bula Borkhola Gas Bottling Plant tihlen hna thawh vang niin IOC hotuten an sawi

0
224
views

Tunlaia Mizorama eirawngbawlna gas hnianghnar taka hmuh harsatna chhan chu Silchar bula Borkhola Gas Bottling Plant tihlen hna thawh vang niin IOC hotuten an sawi. ZONET zawhna chhangin IOC hotute chuan Silchar bula Borkhola Gas Bottling Plant hi ni khata gas a thun theih zat a leta tama tihpun mek a ni a, he hna hi thla leh, May ni 15 velah chuan zawhfel theih beisei a ni a, hemi hnu hi chuan Borkhola a\anga eirawngbawlna gas la \hin te tan gas bur tam tawk lak chhuah tur a awm thei tawh ang a, Mizorama gas harsatna pawh nasa takin a sukiang dawn niin an sawi a ni. Amaherawhchu, hetihlai hian Aizawl District ni lo, District dangte chawmtu Mualkhang Gas Bottling Plant-ah erawh chuan gas phur chhuaktu tura IOC Contractor thlan mi pathum ten rate hniam lutuka an chhan avangin gas phur duh motor tam tawk hmuh a la harsa reng a, hei vang hian hmun hrang hrangah harsatna a la thleng a, chung zingah chuan Serchhip, Lunglei, Siaha leh Mamit leh Champhai District te a tel a ni. Puan tawh angin kum 2017-2018 chhung atana IOC-in Mualkhang a\anga gas sem tur District hrang hranga phur chhuak tura contractor a thlan pathum, Kamal Barbuia, Anil Kumar Shetty leh Biren Singh te chuan gas cylinder pakhat km 1 phurh nan paise 12.83-a an chhan avangin gas phur duhtu an hmu tlem a, hei hian harsatna a siam a, Mizoram sorkarin tender chhuah \ha thuai tura IOC a ngenna chu IOC hian tihlawhtling rih lovin, an tender chhanna nun chhung pawhsei sak an tum loh thu an sawi zawk a ni. ZONET thudawn danin gas phurh man atana IOC rate pawm theih sang ber chu cylinder khat km 1 zel phurh nan paise 17.55 a ni.