ZPM \halai hian, Primary leh Middle School zirtirtu MR-a lak turah MTET leh Computer Certificate nei lo mai ni lo, written exam pawh buatsaih lova, interview chauh hmanga lak tumna chu ram hruaitute tih duh loh tawp tura ngaih, Mizoram zirna nasa taka pawngsualna a ni an ti.
MTET Certificate leh Computer certificate an neih theih nana theihtawp an chhuah hnua hlawhtling mi \hahnem tak an awm lai leh, written exam hmachhan thei tura an inbuatsaih mek laia mawlmang lutuka zirtirtu lak tum a ni chu \ha lo an tih thu an sawi a, School Education Minister, Pu Lalchhandama Ralte chu MZP President a nih laia Mizoram zirnain hma a sawn theihna tura hma lo la tawh \hintu a ni a, School Education Minister nihna a chelh hnua hetiang thil a thleng ta hi an dem tih ZPM \halai hian sawiin, Pu Lalchhandama Ralte chu zirlaite hmakhaw ngaia Minister a nihna a\anga bang ngam turin an phut tih an sawi.
