North Korea hruaitu Kim Jong-un nen inbiakna an neih tur chu US President Donald Trump-a’n thulh thu a puang

0
1019
views

Khawvelin a ngaihven leh a thlir ber, thla thar June ni 12-a North Korea hruaitu Kim Jong-un nen inbiakna an neih tur chu US President Donald Trump-a’n a \hulh thu a puang. Donald Trump-a hian Kim Jong-un hnenah lehkha thawnin hun rei tak a\anga an lo ruahman tawh inbiakna chu \hulh mai rih a \ul thu sawiin, nuclear ralthuam tihtawp chungchang sawi dun tur chuan hun remchang dangah inbiakna a la neih leh theih ang tih a tarlang a ni. North Korea lamin inbiakna a\anga inhnuhdawh leh mai an duh zawk mai thei tih an sawi avang leh nuclear ralthuam chungchangah US \awng chhuah dan an duh loh thu an sawi avangin Trump-a hi a inhnukdawk ta a, US in Libya kalphung North Korea in a zawm ve a ngai dawn tih a sawi rik chu North Korea hian na takin a sawisel a, Libya hotu Moamar Gadhafi kha nuclear ralthuam ti tawp tura nawr anih hnuah sorkar laka hel pawlten an that a ni. Hetihlai hian North Korea chuan a nuclear ralthuam enchhinna hmunte chu a ti chhe ve mek bawk a, Bomb hmanga nuclear ralthuam tih chhiat lai hi chanchinbumiten video-in thla an la a, amaherawhchu mithiam bik expert te enpui erawh Noth Korea hian a remti lo thung. Donald Trump-a hian \awngkam a hmang khauh hle a, North Korea lamin an thinrimna leh US laka an lungawi lohna nasa taka an lantir avangin tun dinhmunah chuan inbiakna neih hi thil tih chiah a ngai lo tih Kim Jong-un hi a hrilh a, US in nuclear ralthuam chak tak a neih chu hman a \ul lohna turin a \awng\ai tih a lehkhaah hian a ziak lang tel a ni.

Hetihlai hian North Korea chuan US nena inbiakna neih tumna chu tihpuitlin nge a duh tih a sawi ve thung a, Vice foreign minister Kim Kye-gwan chuan Trump-a thutlukna chu pawi a tih thu a sawi ve nghal a ni.