Canada khawpui lian parukna, Mississauga ah restaurant pakhatah tualchher bomb tihpuah avangin mi 15 an hliam

Canada khawpui lian parukna, Mississauga ah restaurant pakhatah tualchher bomb tihpuah avangin mi 15 an hliam. Police te chuan mi pahnihin Bombay Bhel restaurant chu luh chilhin an bomb pai chu an tipuak tih an sawi a, hliam zinga 3 chu an dinhmun a ngaihtuahawm tih Ambulance Service lamin an sawi. Bomb tipuaktu nia hriatte hi an tlan chhe nghal a, CCTV thlalak puihnain police te chuan man tumin an chhui zui mek a, hetianga an chet chhan hi hriat a la ni lo a, Sergeant Matt Bertram chuan bomb tipuaktute hian an bomb hi an kam fel veleh restaurant hi chhuahsanin an bibo nghal tih a sawi.