England Wiltshire-a mi pakhat leh hmeichhe pakhat nikhaw hre lova chhar te chu Russian spy hlui Sergei Kripal-a hraina tûr, nerve agent ang chi bawka hrai an ni tih finfiah a ni

0
657
views

England Wiltshire-a mi pakhat leh hmeichhe pakhat nikhaw hre lova chhar te chu Russian spy hlui Sergei Kripal-a hraina tûr, nerve agent ang chi bawka hrai an ni tih finfiah a ni.

Heng mi pahnih, kum 45 mi Charlie Rowley leh kum 44 mi Dawn Sturgess te hi an chenna in Amesbury ah Inrinni khan an dam lo thut a, an dinhmun a ngaihtuahawm hle a, police te chuan midang an nat anga na ve an awm lo tih an sawi a, he mite pahnih hi hrai an nih chhan tur awm hriat a la ni lo tih an sawi bawk. Home Secretary Sajid Javid hovin hemi chungchang hi sorkar mipawimawhte chuan an sawiho nghal dawn a ni.

Metropolitan Police Assistant Commissioner Neil Basu chuan Skripal-a hraina tur leh heng mi pahnihte hraina tur hi a lakluh hun a inrual em tih hriat theih a la ni lo a ti a, chutihrualin tur hman hi a inang tih erawh a chiang tawk a ni a ti a, khawi hmuna hrai nge an nih tih hriat theih a la ni lo a, mipui ten enge anih an hriat chian loh reng reng engmah an khawih loh a \ha rih a ni a ti. March thla khan Russia enthlatu hlui Skripal leh Yulia te chu Salisbury ah thi chhawnga chhar an ni a, tur chikhat nerve agent a hrai an ni tih a hnuah finfiah a ni. UK sorkar chuan hei hi Russia chetnaah a puh a, Russia chu a pha thung a ni.