Air India chuan a website-ah Taiwan khawpui \umhmun chu Chinese Taipei \umhmun tiin a thlak.

0
383
views

Air India chuan a website-ah Taiwan khawpui \umhmun chu Chinese Taipei \umhmun tiin a thlak. Air India thupuangtu chuan he thutlukna hi Ministry of External Affairs rawtna a nih thu a sawi a, tun dinhmunah he \umhmunah hian thlawhna kal tir rih loh mahse, khawvel ram hrang hrangin \umhmun code an inhrilh tawn dan a ni tih a sawi bawk a ni. Thlawhna company hrang hrangte hian anmahni dawrtuten harsatna nei lo leh khaihlak awm lova an tum ram an pan zel theih nan code inang hi an hmang \hin a ni.

China chuan Air India thutlukna chu lawmawm a tih thu uar takin a sawi a, ram danga thlawhna company, an ram chhunga luh phalsak te chuan China ram dan an zawm a \ul thu leh an thuneihna an zahsak a \ul thu a sawi bawk a ni. Puan tawh angin Taiwan hi thliarkar pakhat, kum 1950-a zalenna lo puang tawh a ni a, mahse China chuan a pawm duh loh bakah, a ram chhung angah a la ngai tlat a, tharum hmang pawha lak let a hnial loh thu a lo sawi fo tawh \hin a ni.