Manipur nula-in ritchawi-ah Gold Medal la

0
484
views

Manipur nula, rit chawi chak, Mirabai Chanu chuan vawiin khan khawvel puma rit inchawisiakah India aiawhin Gold Medal a la. He intihsiak, World Weightlifting Championship hi US, California-a Anaheim khawpui-ah nghah a ni a, Chanu hian hmeichhe intihsiakah kg 85 leh kg 109 a chawi a, India hmeichhia, khawvel huap rit chawi intihsiaka Gold Medal la pahnihna a ni a, kum 1994 leh 1995-ah khan Karnam Malleshwari chuan Gold Medal a lo la tawh a ni. Chanu hi nikum khan Olympic intihsiakah a lo tel tawh bawk a, vanduaithlak takin Clean & Jerk-ah a chawi tur a chawi theih loh avangin a tla a ni.