Arunachal Pradesh-a zirlai naupang thenkhat thawmhnaw phelhtir

0
449
views

Arunachal Pradesh-a sikul pakhatah zirlai, hmeichhe \henkhat chu chawlhkar khat kal ta khan an zirtirtuten hrem nan zirlai dangte hmaah an thawmhnaw an phelhtir a, Sagalee-a sikul pakhata thil thleng hi chhui zui a nih tur thu, nimin khan police-ten an puang a ni. All Sagalee Students’ Union (ASSU) chuan he thil thleng chungchangah hian zirtirtu pathum lakah Papum Pare district-ah Police te hnenah FIR an thehl<t a ni. Ningani kal ta khan he hmeichhe sikul-a zirtirtu pathum chuan an Head Teacher leh zirlai pakhat chungchang, mawi lo taka ziahna an hmu a, hei hi pawl 6 leh pawl 7 zirlaite entir kualin, tu ziah nge tih an zawt a, tuman an ziah nia an sawi duh loh avangin pawl 6 leh pawl 7 zirlai zawng zawng chu he sikula zirlaite hmaa an thawmhnaw phelh turin an ti ta niin an FIR-ah chuan an ziak a, hei hi Itanagar-a hmeichhe police station bawhzui atan thawn a ni a, anni pawhin zirlaite leh an nu leh pate chu thil awm dan an zawt fiah tawh a, tumah an la man lo niin Papum Pare district SP, Tumme Amo chuan a sawi.