Ahmed Patel vote loh vanga Congress party atanga hnawhchhuah ten BJP zawm dawn

0
619
views

Gujarat-a Rajya Sabha member thlannaa Congress candidate, Ahmed Patel-a ep zawnga vote an thlak vanga Congress atanga hnawhchhuah, Congress MLA 7 chu MLA an nihna atangin an bang a, BJP an zawm dawn. Gujarat Assembly Speaker, Ramanlal Vora-a chuan, heng MLA-te hian nizan khan banna an thehlut niin a sawi a, banna an thehluh chhan hi nawr luih an nih avang emaw, vauna avang emaw a nih loh thu a sawi bawk. Banna thehlut zingah hian Congress hruaitu hlui, Shankarsinh Vaghela-a fapa, Mahendrasinh Vaghela bakah, an vote thlakna, ballot paper, BJP mite an entir avanga Election Commission-in an vote a hnawlsak, Raghavji Patel leh Bholabhai Gohel pawh an tel a ni. Tun thla ni 8-a Rajya Sabha member thlanna-ah khan Congress MLA-te hian BJP candidate leh party president, Amit Shah leh Information and Broadcasting Minster, Smriti Imrani an vote avangin a tuk, ni 9-ah Congress chuan a hnawtchhuak nghal a ni.