Nikum lam khan Rahul Gandhi leh Congress thupuangtu Randeep Sinh Surjewala te chuan Ahmedabad District Cooperative Bank chu cheng 500 leh 1,000 note tihhlum a nih hnu khan cheng vbc 745.59 chu dik lo taka thleng-ah an puh a, bank chairman Ajay Patel chuan Rahul Gandhi-a lakah hian dik lo taka inpuh leh intihhmingchhiat tumna thubuai a thehlut a, Additional Metropolitan Magistrate SK Gadhvi court chuan May ni 27 hmaa inlan turin a lo ti tawh a, Gandhi-a danhremite chuan thubuai thehluttute testimony hi Gujarati a\angin English-ah leh a la ni lo tiin hun an dil belh a, May ni 27 hian Jawaharlal Nehru thih champha hmang turin Gandhi hi New Delhi-a Shantivan-ah a awm a ngai tiin court hmaa a inlan hun hi tihkhawtlai an dil leh a, court chuan Gandhi leh Surjewala chu July ni 12-a inlan turin an hriattir ta a ni.
Mumbai-a activist-in RTI hmanga National Bank for Agriculture and Rural Development te zawhna a zawh an chhan dan chu innghahna atana hmangin Gandhi leh Surjewala te hian bank chu dan bawhchhia-ah an puh a, bank chuan pawisa thi tawh heti zat an kawl loh thu sawiin party hotu pahnihte puhna hi a dik lo niin an sawi a ni.
