Thawhlehni khan PM Modi leh Shah te hi darkar 5 chuang an inkawm a, Union Cabinet-a member turte leh portfolio sem dan tur te an sawiho a, an thil rel hi puanzar ni lo mahse Rajnath Singh, Nitin Gadkari, Nirmala Sitharaman, Ravi Shankar Prasad, Piyush Goyal, Narendra Singh Tomar leh Prakash Javadekar te an ruat nawn leh rin a ni a, Amit Shah hian sorkar a zawm rin a ni bawk a ni.
Sorkar thar lawmluhna hi ni 30, zan dar 7-ah neih a ni dawn a, ram chhung hruaitute bakah Bangladesh, Sri Lanka, Kyrgyztan, Myanmar, Mauritius, Nepal, Bhutan leh Thailand ram hruaitute’n an chhim dawn a, Modi rual hian hruaitu dang 65 lawmluh an nih an rin a ni.
