AIUDF chungchanga a thusawi vangin Rajya Sabha eptu pawl hruaituin sipai hotu khak

0
421
views

Assam-a political party pakhat, All India United Democratic Fronts chungchang thu a sawi vangin Rajya Sabha-a eptu pawl hruaitu, Ghulam Nabi Azad-a’n sipai hotu, General Bipin Rawat chu na takin a khak. Puan tawh angin Pu Rawat hian kar kalta Nilaini khan Muslim sakhaw betute chungchang thu a sawina-ah, AIUDF party chu kum 1980 chho velah khan BJP aia nasa taka thang an nih thu leh, Bangladesh atanga hmarchhak biala lut ru an tam tih lantirna nia a hriat thu te a sawi a, hei hi Pakistan-in China thlawpnaa hmarchhak biala remna leh muanna tihchhiata tumna a nih thu te a sawi bawk a ni. Rajya Sabha MP, Azad chuan politics thila sipai inhnamhnawih lo tura a duh thu leh, India ramin zalenna a hmuh hnuah, politics thila sipai a inrawlh ngai lo chu ram pawhin a thil chhuan ber te a nih thu te a sawi bawk a ni.