Central-a BJP General Secy. Organisation changtu, Pu Ramlal chuan NLUP tanpuina Congress-in a sem chu party induhsakna leh vote zawnna hmanrua mai niin a sawi. He thu hi vawiina Kolasib Diakkawn Community Hall-a an party inkhawma sawiin Pu Ramlal chuan CAG report-in a tarlan danin NLUP chu a hlawhchham niin a sawi a, mipui hmasawnna atana hman tur Budget tam tak sawk heka, mahni Party induhsakna atan leh Vote zawnna atana sorkar sum hman hman chu Democracy rama tih atan thil tha lo tak niin a sawi a ni. Pu Ramlal chuan Mizoram Lottery thubuai chungchang pawh chik takin an thlir reng niin a sawi a, he thilah hian thil dik tawk lo pawh a awm ngei nia a rin thu a sawi bawk. Inkhawm hi BJP State President, Prof. JV Hluna’n a kaihruai a ni.
