Al-Qaeda mi firfiak pawlin Myanmar vau

0
669
views

Al-Qaeda mi firfiak pawlin Myanmar rama Muslim mite, tharum thawha pui turin khawvel hmun hrang hranga Muslim mite a sawm. Al-Qaeda hian a thu chhuahah Myanmar sorkar chu a dan bawhchhiatte avanga a hrem tur thu a sawi a, Bangladesh, India, Pakistan leh Philippines rama Muslim-te chu sipai nunchan zir a, Myanmar sorkar awp behna do let turin a sawm bawk a ni. Puan tawh angin, thla hmasa khan Myanmar sipai hmun \henkhat chu Rohingya miten an beih avangin Rakhine leh a chhehvel-ah buaina a chhuak nasa hle a, he buaina tlansan tum, mi nuai li vel chu Bangladesh-ah an ral tlan tawh a ni. Rakhine buaina avang hian khawvel ram hrang hrangten Myanmar sorkar leh an ram hruaitu langsar ber, Aung San Suu Kyi pawh an sawisel nasa hle a, New York-a General Assembly neih mekah pawh a tel loh avangin Rohingya mite chunga thil thleng ngawih bopui tumah an puh a ni. Suu Kyi-i thupuangtu, Aung Shin chuan Suu Kyi hi thil dang hmanhmawhthlak zawk leh pawimawh zawk tih tur a neih avanga UN khawmpuia tel lo a ni zawk niin a sawi.