Arnunachal Pradesh-a Chakma leh Hajong raltlante India khua leh tui nihna pek tum

0
437
views

Hmar chhak biala ral tlan, Chakma leh Hajong mi nuai khat vel chu India khua leh tui nihna pek tum an ni. Hemi chungchang hi Union Home Minister, Rajnath Singh-a hovin vawiin khan mi pawimawhten an sawiho a, Arunachal Pradesh CM, Pema Khandu, Union Minister of State for Home, Kiren Rijiju leh National Security Advisor, Ajit Doval leh mi pawimawh dangte an tela ni. Heng ral tlante hi kum 50 vel kal ta khan khatih laia East Pakistan, tuna Bangladesh a\ang hian India ramah an lo tlan l<t a, kum 2015 khan Supreme Court chuan Chakma leh Hajong ral tlante hi khua leh tui nihna pe turin sorkar laipui a lo hriattir tawh a, a tam ber chu Arunachal Pradesh-a awm an ni. Home Ministry hotu pakhat chuan Supreme Court thup>k hi ngaihtuah a nih thu leh, a rang thei ang bera tihhlawhtlin a \ul thu a sawi. Arunachal Pradesh-a pawl hrang hrangin heng mite, khua leh tuia pawm hi an remti lova, an state-a hnam chi hrang hrang awm dan a tibuai dawn niin an sawi a, state sorkar pawhin, heng raltlante hi khua leh tui nihna p>k an nih chuan, ram leilung fate chu a tlem zawk an ni thei mai dawn nia sawiin, nasa takin an dodal a, sorkar laipui chuan, heng mite hi khua leh tui an nih pawhin, tualchhunga Scheduled Tribe-te chanvo ang zawng zawng chu p>k loh ni se, ram neih pawh phaksak loh ni se, Inner Line permit erawh chu p>k ni se tiin rawtna a siam a ni.

Chakmas leh Hajong mite hi tuna Bangladesh rama Chittagong Hill Tracts-a cheng \hin an ni a, an awmna hi kum 1960 chho-ah khan Kaptai tuikhuahin a chim avangin an awmna chu an chhuahsan a \ul ta nia hriat a ni a, Chakma hi Buddhist an ni a, Hajong ho hi Hindu an ni thung a, Bangladesh hi Muslim ram a nih avangin sakhaw thila tihduhdahna leh nek ch>pna pawh an tuar nia sawi a ni. Arunachal Pradesh, Tripura, Assam, Mizoram, Meghalaya, West Bengal bakah Bangladesh-a Chittagong tlang dungte leh Myanmar khawthlang lamah te an raltlan hnuah, a tam ber chu sorkar laipuiin chutih laia North East Frontier Agency (NEFA), tuna Arunachal Pradesh hi a pantir ta nia hriat a ni. Kum 1964-69 chhunga mi 5,000 vel kha nuai khat an lo tling ta hial a, tunah hian khua leh tui nihna an nei lova, ram pawh an nei thei lova, mahse an mamawh zualpui chu state sorkarin a pe a ni. A tam zawk chu UN hnuaia raltlante chhinchhiahtu, United Nations High Commissioner for Refugees-a inziak lut lo an nih avangin tun hnaia tuilian avanga harsatna thlengah pawh khan chhawmdawlna an dawng ve lo a, India leh Bangladesh sorkar chhinchhiahnaa an tel loh avangin \anpuina pek theih an ni lo tih Word Vision India Director of Disaster Management, Kunal Shah chuan a sawi a ni. Supreme Court thuchhuak hi Arunachal Pradesh sorkar chuan ngaihtuah nawn leh dil mah se, a hlawhchham a, hemi hnu-ah hi chuan sorkar laipui leh state sorkarin a bawhzui dan tur an ngaihtuah a \ul ta a ni.

Myanmar rama tihduhdahna avanga India rama lo l<t, Rohingya Muslim-te chu sorkar laipuiin hnawhchhuah a tum lai takin Chakma leh Hajong ral tlante chungchang hi buaipui a ni a, Union Minister of State for Home, Arunachal Pradesh mi, Kiren Rijiju chuan Rohingya ho hi dan kalha lo l<t vek nia sawiin, India hi khawvela ral tlan pawm tam ber ram niin a sawi. Thawh\anni khan Geneva-ah UN human rights hotupa, Zeid Ra’ad al-Hussein chuan India-in Rohingya mite hnawhchhuah a tumna chu na takin a sawisel a ni.