Alfie Evans thi ta

Alfie Evans, thla 23-a upa, natna khirh tak a tawrh avanga a chungthu Court thlenga a chungthu ngaihtuah hial chu khawl hmanga thawk tirna hlih a nih hnu hapta khat ral hma deuhin a thi ta. England hmar thlang lam Merseyside mi, Alfie Evans hi thluak natna chikhat avangin kum 1 chuang zet khawl hmanga thawk tir a ni tawh a, a taksa engmah che thei tawh lova a awm avang leh dam chhuak thei tur chi a ni tawh loh avangin damdawiin chuan khawl hmanga thawk tirna hlih an tum a, a nu leh pa ten court-a an ngenna a hlawh chham t^k zel avangin khawl hmanga thawk tirna hi Thawh\anni khan hlihsak a ni ta a, hapta khat ral hma in a thi ta a ni. A nu le pa, Evans leh Kate James ten an fapa natna chungchanga an hmalakna hian mite ngaihven a hlawh hle a, dan dinglai thuah pawh inhnialna nasa tak a chawk chhuak a ni. He naupang enkawltu damdawiin, Liverpool-a Alder Hey Childrens Hospital chuan thuchhuah siamin thawktu zawng zawngin an s<n takzet tih an sawi. Alfie hi 2016 May thlaa piang a ni a, kaihin a man \hin avangin December thlaah damdawiin ah dah luh a ni a, chuta \ang chuan dam \hat ni a nei ta lo a ni. A nu leh pate hian Italy damdawi inah sawn duh mahse, Doctor te chuan Alfie-a thluak natna in hreuh th<k tawh zia enin, enkawlna pek zui zel chu ama tana \ha tur ni lovin, nunrawnna lam a kai zawk a ni tiin an hnial a, a nu leh pa te hian damdawiin thutlukna hi nasa taka sawiselin an fapa chu jail t^ng ang maia khuahkhirh a ni an ti ve thung a, an thubuai thehluh chu High Courtin a ngaihtuah hnuah damdawi in lam ngaihdan chu pawmpuiin, Alfie-a tan hian beiseina engmah a awm tawh lo tih a nemnghet ta a ni.