Police Officer hlui, mi tam tak thattu leh pawngsualtua puh, Golden State Killer tia vuah chu vawiin khan California Sacramento Court ah hruai a ni. Joseph James DeAngelo kum 72 mi hi jail t^ngte thawmhnaw hak \hin, serthlum rawng kawr ha in, kutkawl nen Wheelchair-a kalin Court ah hian a inlan a, tun tumah hian kum 1978 a tualthah thubuai pahnihah te court hian thu a zawtfiah a ni. DeAngelo hi California hmun hrang hrangah kum 1976 leh 1986 chhung khan mi 11 thattu ah leh hmeichhe 51 pawngsualtu-a puh a ni a, kum 40 zet Police ten an chhui hnuah thawhlehni khan a chenna Sacramento khaw dai, Citrus Heights a\anga man a ni. Thubuai chhuitute chuan a pawikhawihna hmuna DNA a hnutchhiah hmangin a thil tih te hi an chhui chhuak a ni. Golden State Killer tih te, East Area Rapist tih te, Original Night Stalker tih te, Diamond Knot Killer tia a hming lem vuah, DeAngelo hian a hunlaiin mipui a tiral\i hle \hin a ni. Court ah hian DeAngelo hi tawi te chauh a tawng a, dan hre mi a aia ding tur a neih thu chauh a sawi a ni. Sacramento County Sheriff Scott Jones chuan DeAngelo hi jail chhungah amah leh amah a intihhlum lohna tura a bika enkawl a nih thu a sawi a, thiam loh chantir a nih chuan thi tura a chungthu r>l theih a nih tur thu a sawi.
Chanchin Thar Golden State Killer Court-ah hruai
