America ram atangin Pakistan-in sum leh thil danga tanpuina a beisei lo- Pakistan sipai hotu

0
872
views

Pakistan sipai hotu lu, General Qamar Javed Bajwa chuan, America ram atangin Pakistan-in sum leh thil danga tanpuina a beisei lo nia sawiin, America hi zah der taka Pakistan dawr tur leh, ring tawk turin an beisei tih a sawi a, Islamabad-a US palai, David Hale-a’n vawiina Rawalpindi-a sipai hmunpuia a kawmnaah he thu hi a lo hrilh a ni. Niminah khan US President, Donald Trump-a chuan Pakistan sorkar chu mi firfiakte humtu leh duhsaktu-ah a puh leh a, hei hi Pakistan sipai lal hian inzah lohna leh intham lohnaah a ngai nia hriat a ni. Pakistan sipai thuchhuah sawi danin, General Qamar Javed Bajwa hian Pakistan tan Afghanistan ralmuanna chu thil pawimawh tak a nih thu leh, hemi atana Pakistan sorkar tan lak dante pawh US palai hi a lo hrilh a, hengte hi tute tihlawm nan emaw ni lovin, Pakistan ram tana thil tha a nih avang niin a sawi.