Amnesty International-in Rohingya Muslim te hnawhchhuah tumah Myanmar a puh

0
334
views

Myanmar sipaiten thil tum nei ranin Rohingya Muslim-te hnawhchhuah tumin an bei niin Amnesty International-in a sawi a, hemi kawnga an beihpui thlaknaah hian mi za tam tak an that tawh niin a sawi bawk. August ni 25 a\ang khan Rohingya mi 5,80,000 chuang zetin Bangladesh an pan tawh nia sawiin, Rohingya mite chenna, thingtlang khaw tam taka sipaite ch>t dan chu a rapthlak em avangin, an tan awm zui zel ngaihna a awm lo niin a sawi a, Myanmar sorkarin Rohingya mi firfiakte pawi khawihna a chhang l>t mai niin insawi mah se, United Nations leh pawl dangte chuan sipaite ch>t dan chu a hleihluak lutuk niin an sawi a ni. Rohingya Muslim miten an ram chhuahsana ram dang an pan mekna hi khawvel pum buaipui a tling mek a, Rohingya mi 120 vel a kawm hnuah Amnesty International chuan, Myanmar sipaite hian Rohingya mite khua an hual a, a tlanchhia apiang an kap a, an inte an halsak a, tlanchhe ve thei lo, tar leh damlote, rual ban lote chu an hal hlum niin a sawi a, hmeichhiate leh naupangte pawh an pawngsual nasa hle niin a sawi bawk.